入行工作都差不多十年，頭幾年推走了不少的modelling 工作，因為唔想大家對我的印象會有誤解，忽視咗我喺廚藝上的努力。因為始終自己開始廚藝的路開始得較遲，好想專心一點。
十年內，上了很多的有關的專業課程，做了無數跟飲食有關的工作，亦參加了大小型的廚藝比賽，滿足了心靈，雖然未至於很成功，但於幕前幕後的飲食行業的工作都有所接觸，令我成長不少。感激這十年內遇到的人和事、高與低，每一件事都造就到今日的我。
今日，少咗入廚房，唔係對呢行嘅愛無咗，而係呢刻我覺得我有好多其他東西想嘗試。Never too late & never say never。創作路、工作和興趣範疇、人生的崗位等，都會隨住時間、經歷、年紀而改變。如果呢刻你同我一樣，感到想跳出框框去嘗試別的東西，就跳啦！
呢句說話不是沒責任，我都有經濟壓力、亦有好多其他要顧前顧後的事情，但我亦明白人生亦真係好短。過去呢兩年，社會運動、疫情問題，有幾多人對前路茫茫、有幾多人經歷失業或生意守唔住⋯ 總要提醒自己，無論係咩原因，路都係可以行出嚟，堅持唔代表要死守，香港人嚟㗎嘛，我哋好flexible！
馬死落地行，可能你係做開老闆嘅要出返嚟打工、打工仔迫住要自己創業、working mom要辭工返屋企做家庭主婦、媽媽要出嚟打多份工⋯ 咩情況都好，請記住you are not alone。
呢幾個月我開始咗讀幾個廚藝以外嘅課程，嚟緊亦會鑽研吓其他。工作上亦接受唔同嘅範疇同挑戰，盡量都試唔同嘅嘢。生意上亦會打穩陣腳，再向啱嘅方向發展。如果你問我，跳出框框之後過成點？我會話so far so good，原來都生存到，原來都幾開心同滿足。
Never say Never ☮️
#舊相係四年前
#手藝學咗就屬於自己
#不停學習成長
#跳出框框
#世界好大
#人生好短就順著自己的心走吧❤️
#可以用不同方式表達自己㗎
Search